اللي بيحبك بجد

اللي بيحبك بجد ،،

هوا اللي هيفهمك من غير ما تتكلم ،،

هوا اللي عمره ما هيفسّر كلامك غلط ،، فَ يزعل منك

اللي بيحبك عمره ما هيزعل منك اصلا ،،

و مش عشان هيبلعلك الزلط ،، لا لا لا

عشان انت اصلا عمرك ما هتقوله زلطاية واحدة ف وشة ^_^

انت اصلا بتراعي اقل حرف تقولهوله عشان ميزعلش منك
انت اصلا بتخاف ع زعله

و لو حصل و زعل منك ،،، هيسيبلك الباب مفتوح عشان تكلمه تصالحه

اللي بيحبك بجد ،، عمره ما هيقفل موبايله لما تتخانقوا سوا
ماهو اصلا مش طايق تفضلوا زعلانين من بعض ،،
و هيبقى مستنيك بفارغ الصبر تكلمه


اللي بيحبك بجد ،، عمره ما هيقلك كلام يصدمك او يكسفك

عمره ما هيشوف خوفك و غيرتك عليه تملُّك

هوا اصلا طاير بيهم من الفرحة ،،،

و كل كلمة تقولهاله بخوف او غيرة ،،
هتبقى عنده امر واجب التنفيذ ،، بالحب

و لما يحصل و تزعل منه ،، عمره ما يستحمل زعلك ثانية واحدة
مش هيجيله قلب يشوفك بتقوله (سلام) و انت زعلان منه

هيمسك فيك بايديه و سنانه لجل ما يصالحك و ترضى عليه
و مش هيهمه ساعتها انتوا كنتوا بتتكلموا ف ايه اصلا

زعلك عنده حاجة كده زي كارثة بيئية ،،
معاها ؟؟ بتتلخبط كل موازين الكون عنده

اللي بيحبك بجد ،، عمره ما هيزهق من مصالحتك
يزهق ازاي و هو بيبقى عارف انك بتتدلع عليه مش اكتر
و انك صفيت من اول كلمة ،،
و هيبقى فرحان بكده ع فكرة ،،
فمهما طوّلت ف الزعل و مرضتش تتصالح ،، هوا هيبقى مبسوط


اللي هيحبك بجد ،،
هيقبل منك انت و بس الكلام ف مواضيع عمره ما يرضى ان حد يتكلم معاه فيها ،، ماهو انت اصلا مش حد ،،، انت بتحبه

هيفرح بيك لما تاخد بإيده و تقربوا سوا لربنا ))

مفيش حاجة عنده ساعتها اسمها مش وقته و بعدين
معاك ؟!! كل حاجة ممكنة و تنفع تحصل )

و لو حصل و مكنش راضي يتكلم معاك ف حاجة و يلاقيك محترم رغبته ف انه مش عايز يتكلم ،،

هيبتسملك ،، و يقولك طب يلا نتكلم ))

اللي هيحبك بجد ،، هيحسن الظن بيك

و لما تغيب عنه ،، هيفكر مليون تفكير يخوفوه عليك
هيقلق و يترعب من غيابك ليكون حصلك حاجة
هيهريك رسايل و اتصالات عشان يتطمن عليك

لكن عمره ،، شوف عمره ،،، ما هيفكر و يقول ،،
ده اكيد بعد و سابني خلاص !!!!

خلاصة الكلام ^_^

اللي بيحبك بجد ،، هوا اللي هتحس معاه ،، انك عايش مع نفسك