الوصفه السحريه لاستمرار السعاده الزوجيه
"لقد اكتشفت انا و زوجتى سر السعاده الزوجيه"
*احنا بنروح نتعشى فى مطعم فاخر يومين من كل اسبوع:هى بتروح التلات و انا بروح الجمعه.
*و علشان نجدد الاشواق كل واحد ينام فى سرير:انا سريرى فى مصر و هى سريرها فى اسكندريه.
*انا دايما باخد مراتى افسحها فى حتت بعيده:بس برده بتعرف ترجع البيت.
*سألت مراتى تحبى تروحى فين فى عيد جوازنا:قالت لى نفسى اروح حته ما روحتهاش من زمااااااان انخدتها المطبخ.
*دايما نخرج ايدينا فى ايدين بعض:لو ايدها فلتت من ايدى هتدخل اول محل تفرتك الماهيه كلها.
*كل يوم اشتريلها حاجه جديده:عندها مكنسه كهربائيه,و غساله كهربائيه,و خلاط كهربائى,..........وبعدين جايه تقولى(البيت اتملى اجهزه كهربائيه و مش لاقيه حته اقعد فيها)جيبت لها كرسى كهربائى.
*داخله تشتكى ان العربيه مش راضيه تدور علشان الكاربراتير بتاع مليان ميه: و لما سألأتها و العربيه فين دلوقتى قالت(فى وسط النافوره بتاعت العباسيه).
*مراتى عملت رجيم هايل,بقت تاكل موز و جوز هند بس:هى صحيح ما خستش ولا كيلو,بس بقت نشيطه و تتشعلق على اى فرع شجره تشوفها.
مع تحيات (TiTaNiC)